Në këtë thriller kriminal, Crowe luan Manco Kapak, një shqiptar emigrant dhe pronar klubi nate, jeta e të cilit lidhet me botën e errët të krimit, parave të pista dhe pazareve të rrezikshme.

Personazhi i tij nuk është thjesht një figurë periferike në histori. Manco Kapak është në qendër të ngjarjes: një burrë që ka kaluar vite në një botë të ashpër, por që tashmë dëshiron të largohet prej saj. Ai planifikon të shesë klubin e tij dhe të nisë një jetë më të qetë me të dashurën, por gjithçka ndryshon kur grabitet dhe përballet me kërcënime nga kartelet.

Kjo e kthen rrugën e tij drejt “pensionimit” në një lojë të rrezikshme, ku e kaluara nuk e lë lehtë të largohet. Filmi ndërthur aksionin, krimin dhe humorin e errët, duke e vendosur Crowe-n në rolin e një njeriu që është mes dëshirës për të dalë nga loja dhe dhunës që e tërheq sërish brenda saj.

“The Get Out” është drejtuar nga Derrick Borte dhe bazohet në romanin “Strip” të shkrimtarit Thomas Perry. Në kastin e filmit, përveç Russell Crowe, janë edhe emra të njohur si Luke Evans, Teresa Palmer, Aaron Paul, Nina Dobrev dhe Danny Zovatto. Kjo e bën projektin një nga filmat më interesantë të zhanrit aksion-krim për këtë sezon, sidomos për shkak të mënyrës se si e vendos një personazh shqiptar në qendër të historisë.

Roli i Manco Kapak duket i ndërtuar mbi kontraste: ai është i fuqishëm, i frikshëm dhe i lidhur me botën kriminale, por në të njëjtën kohë është edhe një njeri që kërkon të shpëtojë nga ajo jetë. Kjo është pikërisht zona ku Russell Crowe di të japë më shumë si aktor: personazhe të ashpra nga jashtë, por me një peshë të brendshme që i bën më njerëzorë.

Crowe është një nga aktorët më të njohur të kinemasë moderne. Ai lindi në Zelandën e Re, u rrit në Australi dhe u bë emër ndërkombëtar me role të fuqishme në vitet ’90 dhe 2000. Publiku e njeh më së shumti për “Gladiator”, ku luajti Maximus Decimus Meridius, roli që i solli çmimin Oscar për aktorin më të mirë.

Ai është nominuar tri herë për Oscar në kategorinë e aktorit më të mirë: për “The Insider”, “Gladiator” dhe “A Beautiful Mind”, duke fituar për “Gladiator”. Në karrierën e tij përfshihen edhe filma si “L.A. Confidential”, “Master and Commander”, “Cinderella Man”, “American Gangster”, “Robin Hood”, “Les Misérables”, “Noah” dhe “The Nice Guys”.

Me “The Get Out”, Russell Crowe rikthehet në një territor që i shkon shumë: thriller kriminal, personazh i rëndë, e kaluar e ndërlikuar dhe një betejë personale për të dalë nga një botë që nuk fal lehtë. /Vrojtuesi

Ajo është Margo Martin, 30-vjeçarja që nuk ka kërkuar vëmendjen si figurë politike klasike, por është bërë një nga emrat më të njohur të prapaskenës së komunikimit presidencial.

The Washington Post e ka përshkruar si një prej motorëve të heshtur të makinerisë digjitale të Trumpit, duke theksuar rolin e saj në filmimin e momenteve që më pas marrin jetë në rrjete sociale, transmeton Vrojtuesi.

Rruga e saj nuk nisi nga skenat e mëdha, por nga puna e zakonshme dhe shpesh e padukshme e një ndihmëseje shtypi.

Margo Martin u rrit në Oklahoma, studioi në Texas Christian University dhe hyri në orbitën e Trumpit gjatë administratës së tij të parë, si pjesë e ekipit për media.

Më vonë, ajo shërbeu edhe si zëvendësdrejtore e komunikimit për Save America PAC, duke qëndruar pranë Trumpit edhe pas largimit të tij nga Shtëpia e Bardhë.

Në politikën amerikane, shumë njerwz nriten nw karrierë shume shpejt dhe shuhen po aq shpejt.

Por Margo Martin u dallua pikërisht sepse qëndroi. Ajo nuk u bë e njohur me fjalime të gjata apo dalje të bujshme televizive, por me një aftësi më të rrallë: të jetë pranë ngjarjes, të kapë momentin e duhur dhe ta kthejë atë në material që duket spontan, personal dhe i afërt.

View this post on Instagram

Në një kohë kur publiku shpesh nuk pret më konferenca shtypi për të kuptuar politikën, ajo përfaqëson një brez të ri komunikuesish që punojnë më shumë me pamje sesa me deklarata.

Kthesa e madhe erdhi kur telefoni i saj u bë pjesë e mënyrës se si Trumpi shihej nga miliona njerëz. Videot e saj nga avioni, korridoret, tubimet, udhëtimet dhe takimet e afërta krijuan një stil të ri: më pak podium zyrtar, më shumë prapaskenë.

Washington Post raportoi se gjatë një udhëtimi të Trumpit në Azi, videot dhe fotografitë e realizuara nga Martin morën dhjetëra miliona shikime në platformën “X” dhe qindra miliona të tjera në llogaritë e ‘Team Trump’ në Instagram dhe TikTok.

Sot, roli i saj është edhe zyrtar. Në raportin vjetor të Shtëpisë së Bardhë për personelin, Margo M. Martin figuron si “Special Assistant to the President and Communications Advisor”, një pozitë që tregon se ajo nuk është thjesht një person me telefon në dorë, por pjesë e strukturës së komunikimit presidencial. Edhe profilet e saj publike në rrjete sociale e paraqesin me këtë funksion.

View this post on Instagram

Megjithatë, fama e saj ka ardhur me një lloj paradoksi. Ajo punon për të prodhuar pamjen publike të dikujt tjetër, por gradualisht edhe vetë është kthyer në figurë publike. Çdo dalje e saj në evente sportive apo politike komentohet nga mediat rozë dhe rrjetet sociale. Kjo u pa edhe pas paraqitjes në Madison Square Garden, ku fotografitë e saj në ndeshjen e NBA Finals morën vëmendje të madhe online.

View this post on Instagram

Por historia e Margo Martin nuk është vetëm histori stili apo viraliteti. Është edhe histori e një ndryshimi të madh në mënyrën si ndërtohet imazhi i pushtetit.

Dikur, politika kalonte përmes kamerave televizive, gazetarëve dhe konferencave të kontrolluara. Sot, një video vertikale disa sekondëshe mund të bëjë më shumë punë se një deklaratë zyrtare.

Kjo është arsyeja pse disa e shohin atë si “White House influencer”, ndërsa të tjerë e kritikojnë këtë stil si komunikim shumë të kuruar dhe të kontrolluar.

Roli i Margo Martin tregon se komunikimi politik ka hyrë në një fazë të re. Sot, ndikimi nuk ndërtohet vetëm përmes fjalimeve, konferencave apo intervistave televizive, por edhe përmes momenteve të shkurtra që shpërndahen në rrjete sociale dhe krijojnë perceptim publik. Ajo nuk është personazhi kryesor në skenë, por është një nga njerëzit që ndihmon të përcaktohet se si ajo skenë shihet nga miliona njerëz. /Vrojtuesi

Në një intervistë për The Tonight Show, Chalamet tha se procesi nuk ishte i pandërprerë, por kërkonte shumë përkushtim dhe disiplinë. Ai theksoi se e sheh punën si një dhuratë dhe se kjo e shtyu të jepte maksimumin në përgatitje për rolin e Marty Mauser, personazh i frymëzuar nga kampioni legjendar i pingpongut Marty Reisman, në New York-un e viteve ’40. Madje, aktori mbante gjithmonë me vete një tavolinë pingpongu, edhe gjatë xhirimeve të filmave “Dune” dhe “Wonka”, për të mos ndërprerë stërvitjen.

Duke folur për mesazhin e filmit, Chalamet tha se “Marty Supreme” është një histori për sakrificën dhe ndjekjen e ëndrrave, veçanërisht në kohë të vështira për të rinjtë. Filmi, i cili pritet të ketë premierën në Mbretërinë e Bashkuar më 26 dhjetor, përcjell mesazhin e besimit në vetvete dhe këmbënguljes për të mos pranuar dështimin si përgjigje, një temë me të cilën aktori shprehet se identifikohet thellësisht.

Reagimet në rrjetet sociale kanë qenë të përziera. Disa fansa e kanë përshëndetur performancën si një nismë interesante dhe një bashkim i dy gjeneratave në muzikë, duke vlerësuar guximin e Bieber për të provuar diçka të re. Megjithatë, ka edhe komentues që dalin ironikë dhe kritikë, duke e cilësuar performancën si “qesharake” ose jo bindëse, dhe duke u tallur me përpjekjet e tij në një zhanër që tradicionalisht i përket Eminem.

Madje reagimet kanë ndarë edhe opinionet e adhuruesve , disa e shohin këtë si një lëvizje pozitive dhe argëtuese nga Bieber, ndërsa të tjerë mendojnë se ai nuk i kap dot ritmet dhe stilin agresiv të Eminem, duke bërë që klipi të shpërndahet mjaftueshëm në platforma si X (Twitter), TikTok dhe YouTube

Raportimet e mediave të huaja zbulojnë se një ditë para vdekjes, Nick dhe prindërit e tij ishin bashkë në një festë në shtëpinë e komedianit Conan O’Brien, ku thuhet se ai shfaqi sjellje të çrregullt dhe pati një përplasje me të atin. Nuk ka ende një motiv zyrtar të konfirmuar, por hetuesit po shqyrtojnë edhe sfondin e tij personal, duke përfshirë histori të mëparshme të vështirësive me varësinë nga droga dhe tensionet familjare që janë përmendur në media.

Ngjarja ka tronditur SHBA-në dhe botën, jo vetëm për natyrën e saj, por edhe për statusin e Rob Reiner si regjisori i filmave klasikë dhe për rolin e gruas së tij si fotografe e producentë. Vajza e tyre, Romy Reiner, ishte ajo që gjeti trupat dhe lajmëroi autoritetet, duke shtuar emocione të forta tek publiku ndërkombëtar.

Sipas raportimeve, ylli i TikTok-ut ka kryer vetëvrasje në banesën e tij të enjten, më 11 dhjetor. Vdekja e tij është konfirmuar nga Zyra e Mjekësisë Ligjore e Qarkut të Los Angeles, ndërsa rrethanat e ngjarjes po trajtohen nga autoritetet përkatëse.

Vëllezërit e tij, Carson dhe Connor, e konfirmuan humbjen përmes një postimi të përbashkët në Instagram, ku kërkuan privatësi në këtë periudhë të vështirë. Në mesazhin prekës, ata e përshkruan Tucker-in si një vëlla dhe mik të jashtëzakonshëm, duke ndarë disa fotografi nga fëmijëria dhe momentet e veçanta të jetës së tyre familjare.

Incidenti ka ndodhur në lagjen nr. 9, e njohur si Lagjja e Re. Pas ngjarjes, i plagosuri është transportuar menjëherë në spital, ku ndodhet nën kujdesin e mjekëve dhe jashtë rrezikut për jetën.

Policia ka bërë me dije se autori i dyshuar është identifikuar dhe po punohet intensivisht për kapjen dhe arrestimin e tij. Ndërkohë, hetimet vijojnë për zbardhjen e plotë të rrethanave të ngjarjes.

Fabion Kuçi rezulton me precedentë penalë jashtë vendit, ku më herët ka qenë i dënuar në Angli për vepra të ndryshme penale, duke vuajtur edhe dënim me burg. Ai ishte rikthyer në Shqipëri vetëm disa muaj më parë dhe ishte bërë mjaft aktiv në TikTok, ku shpesh përfshihej në debate dhe përplasje virtuale me figura të tjera si Kozak Braçi dhe Xhemal Ujka (Fire).

Autoritetet po mbledhin dëshmi dhe prova, ndërsa u bëjnë thirrje qytetarëve që kanë qenë dëshmitarë të ngjarjes në Lagjen e Re të bashkëpunojnë me policinë për ndriçimin e plotë të saj.